| دعونا نناقش | |
|
|
Author | Message |
---|
Fantazy Girl
Posts : 113 Join date : 2010-04-25 Location : In The Country of FreedoM
| Subject: دعونا نناقش Sat May 22, 2010 7:57 pm | |
| لاحظت أن اغلب مواضيع النقاش الموجودة في القسم هي عبارة عن طرح اسئلة والاجابة عليها وقد يتخللها بعض النقاش ولكن ماذا عن طاولة الحوار والنقاش المطول ؟ احببت ان اشارككم تجربة النقاش والحوارات التسلسلية واتمنى ان يجد الموضوع قبولا لديكم سابدا بفكرة اولية سيكون النقاش حولها مجتمع المعلومات (الانترنت) , مجتمع واقعي ام افتراضي واترك لكم الخيار في اختيار النقاط التي تستوجب مناقشتها خلال هذا الموضوع بتمنى فكرتي تحوز على رضاكم يومكن فل | |
|
| |
Marvy
Posts : 8631 Join date : 2010-04-15 Age : 38
| Subject: Re: دعونا نناقش Sat May 22, 2010 8:02 pm | |
|
في الحقيقة عزيزتي
اسلوب الاسئلة هو اسلوب ناجح في النقاش
لأننا من خلال ذلك ... نتعرف على اراء بعض
و نطرح الاسئلة التي تتعلق بالموضوع المراد مناقشته
بهذه الحاله نضمن استمرار النقاش بين الكل
وليش مجرد طرح فكرة ... و يأتي كل واحد فينا يقول رأيه
وانتهى النقاش و السلام
بطريقة الاسئلة يتم التفاعل بصوره اكبر بيننا
وبما انك فتحتِ موضوع النقاش عن مجتمع الانترنت
شو رأيك تعطينا فكره اوليه عن الموضوع ؟؟؟
كرمال نكفي النقاش من عندها
و نستمر
شكرااا ع الطرح المميز فوفو
منورتنا بحضورك
نهارك لافندر
تحياتي نور البياتي
| |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Sat May 22, 2010 8:23 pm | |
| اكيد هلاء ازا كل واحد رح يجي يعطي رايه ويمشي رح يخلص النقاش بدقائق بس النقاش المطول بكون مع كل راي جديد شخص بسجله عم يفتح نقاط جديدة للحوار واوكي تكرمي رح ابدا انا مجتمع المعلومات هو المسمى الذي اطلقه الباحثين على الانترنت بداية كان يعرف بتكنولوجيا المعلومات ولكن مع تطور الانترنت واهميته وتاثيره عى حياة اناس اطلق عليه لفظ مجتمع لان الانترنت بات يشكل جزء لا يتجزء من حياة الافراد هلاء انا برايي هنن اكيد معهن حق باطلاق لفظ مجتمع على الانترنت لان بالفعل الانترنت والمواقع خاصة الاجتماعية صارو جزء من حياتنا الشخصية بس انا عن نفسي الانترنت لحد الآن بالنسبة الي عالم افتراضي لا يضاهي العالم الحقيقي يعني مثلا انا م اتفق ابدا مع الكتب الالكتروني رغم تطورها حتى صار بامكان القارئ تقليب الصفحات بيده كما لو كان حقيقيا بس بالنسبة الي الكتاب الالكتروني حرق كل متعة لدي خلال القراءة يعني انا من الاشخاص اللي ازا ما مسكت الكتاب بايدي وسمعت صوت الصفحات وهي عم تتقلب واهم شي ازا ماحسيت بريحة الورق علقانة بايدي مابحس بمتعة القراءة ولحد ما يخترعو جهاز ينقل لالي كل هالاحاسيس فما بقدر استغني عن الكتاب الحقيقي وعندك مثال تاني مواقع الاجتماعي خير مثال الفايس بوك اللي العالم من خلالو استغنت عن جمع الصور بالبومات مثلا وانا كمان ضد هالفكرة لان بالنسبة الي الصور ذكرى وتاريخ ولازم تكون بالبوم او برواز محسوس وغير هيك مابحس بقيمتها وفي اشيا كتير بعد عندي لاحكيها عن مجتمع المعلومات بس رح اترك مساحة لغيري حاليا وناطرة رايك يا البي | |
|
| |
AL_Sahed
Posts : 3022 Join date : 2010-05-03
| Subject: Re: دعونا نناقش Sat May 22, 2010 11:42 pm | |
| موضوعك جميل والله وطرحتيه بطريقة جميلة جدا تشكري عليها
النت مازال هو تكنولوجيا المعلومات ومثل مانعرف اول كان استخدامه حصرا على بعض
دوائر الدول بعدين طرح للمجتمع والناس
فعلا معلومات وكل يوم ادخل النت اكتسب معلومة جديده مهما كانت صغيرة ونحن الان
في عصر المعلومات كلما ملك الانسان معلومات اكثر تفتح له ابواب في العمل والكسب
حتى في حياته الخاصة الصراحة انا استمتع جدا من خلاله عدا عن بعض الاشياء كما ذكرتي
فقدت رونقها مثل قرأة الكتب او التسوق ايضا لكن الصراحه ايجابياته كثيرة
بكفي هالصحبه الطيبه مثلكم
كما انه امتد اكثر من ذلك واصبح وسيطا للعلاقات بين الناس حتى في الزواج
يسلمو احلى فوفو لاتحضرني الاسئلة ولكن لي عودة
تحياتي ومحبتي | |
|
| |
دمعة قمر
Posts : 2457 Join date : 2010-04-15
| Subject: Re: دعونا نناقش Sun May 23, 2010 12:05 am | |
| ممممممممممم
قبل ما فوت بصلب الموضوع اللي للنقاش بحب قول إنو أكيد النقاش الجاد والحوار الهادف عبارة عن فن خطابي بيحتاج لآليات للقيام فيه بمهارة وهو أيضا فن وبيحتاج لثقافة واسعة واطلاع ومهارة التعليم الذاتي السريع بحيث تقدر تحضر المعلومة أو توثق معلومة أو رأي إنت مقتنع فيه لتقدر تقنع فيه الآخرين
بهالتعقيد .. لا بد أن يكون هناك مئات إن لم يكن آلاف التوجهات في الطرح ولكل منا حرية اختيار الطريقة اللي بيرتاح فيها بطرح المواضيع
الآن عنصر آخر بيتحكم بمدى طول النقاش وهو مدى استمتاع أو اهتمام الآخر بالموضوع المطروح للنقاش .. هيدا عنصر مهم يحدد الوقت أو عدد الردود في الحوار
نرجع لموضوعنا ..
مجتمع الانترنت هل هو عالم افتراضي أم واقعي؟؟
أنا برأيي لما منتحدث عن مجتمع الانترنت فنحن هنا نركز على الأشخاص الجالسين خلف الشاشات الذين يقومون بتغذية الإنترنت بالمعلومات .. سواءكانو في مواقع اجتماعية أو حتى موسوعة وايكيبيديا .. فكل ملقن لمعلومة أو رأي يعد فرد من هالمجتمع
افتراضي أم واقعي ؟؟ يعني إذا بدي قارن بين مكتبتي في الصالون ومكتبتي على القرص الصلب .. بقدر أقول إنو نفس المعلومات الموجودة في نفس الكتب موجودة في الاثنين بينما تحتوي مكتبتي على القرص الصلب كتب أكتر من مكتبتي ام خشب بلوط الواقعة على الجدار الغربي من صالوني
شو هو الافتراضي مقابل الواقعي .. المعلومة معلومة .. ما بتفرق وين موجودة هيدا رأيي بينما الناس
اهااااا لنجي للناس
لو أردنا التحدث عن الناس الموجودين في هيومانيا مثلا .. أغلبهم ناس معروفين بالنسبة لي .. بعضهم التقيتهم وبعضهم يعرفهم من التقيته ويبقى جزء لم ألتقه سوى على النت
من التقيت أعرف يقينا من هو ومدى واقعية وتزييف حقائقه .. من عيوني واستنتاجي لما يحصل بيننا ومقارنة آراءه التي يدعي تبنيها بما يطبقه في حياته العملية من أعرف أستطيع التكهن بمدى واقعيته وافتراضيته أيضا
يعني بالعقل أستطيع تكهن من يعيش في عالم افتراضي ويحاول نقله عبر الانترنت
يعني مثلا لما حدا بيدعي إنو في مكان بينما لا يستطيع أن يصف لي هذا المكان أو يقدم معلومات عن المكان أعرف يقينا أنها خطأ أقدر هنا مدى مصداقيته كما كاشف العناوين المعلوماتية بيعطيني مؤشر آخر للمصداقية لو ادعى إنو مثلا شغلته مهندس ديكور ولقيت معلوماته بالهندسة متل معلوماتي بالجيولوجيا .. ..... وهكذا
ولأن نفس هالعالم موجودين داخل وخارج النت .. لا أعتبر عالم الانترنت افتراضي هنا
متى يكون أي عالم افتراضيا؟ عندما يكون كل مفاهيمه لا تمت لأرض الواقع بصلة مثل علاقات الحب الفارطة على المسنجرات مثل الصداقات اللي بتنهار أمام أول احتياج من صديق لصديقه
هالعالم ممكن يكون افتراضي حتى لو إيدك بإيدي ومنتشارك بالكرسي والصحن وحتى السرير
عذرا يمكن زودتها بس حقيقي .. ياما في علاقات افتراضية بصكوك واقعية من أبوة أو أخوة أو زواج أكتر ما يمكن موجود على الانترنت
نقاش سعيدومفيد للجميع
دموووعة | |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Sun May 23, 2010 3:12 am | |
| - AL_Sahed wrote:
موضوعك جميل والله وطرحتيه بطريقة جميلة جدا تشكري عليها
النت مازال هو تكنولوجيا المعلومات ومثل مانعرف اول كان استخدامه حصرا على بعض
دوائر الدول بعدين طرح للمجتمع والناس
فعلا معلومات وكل يوم ادخل النت اكتسب معلومة جديده مهما كانت صغيرة ونحن الان
في عصر المعلومات كلما ملك الانسان معلومات اكثر تفتح له ابواب في العمل والكسب
حتى في حياته الخاصة الصراحة انا استمتع جدا من خلاله عدا عن بعض الاشياء كما ذكرتي
فقدت رونقها مثل قرأة الكتب او التسوق ايضا لكن الصراحه ايجابياته كثيرة
بكفي هالصحبه الطيبه مثلكم
كما انه امتد اكثر من ذلك واصبح وسيطا للعلاقات بين الناس حتى في الزواج
يسلمو احلى فوفو لاتحضرني الاسئلة ولكن لي عودة
تحياتي ومحبتي
انا معك باللي حكيتو عن المعلومات بس برايك هل النت ممكن ينجح كوسيط للعلاقات بين الناس خاصة الزواج ؟؟ ناطرة رجعتك نورتني سهودي | |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Sun May 23, 2010 3:16 am | |
| - دمعة قمر wrote:
مجتمع الانترنت هل هو عالم افتراضي أم واقعي؟؟
أنا برأيي لما منتحدث عن مجتمع الانترنت فنحن هنا نركز على الأشخاص الجالسين خلف الشاشات الذين يقومون بتغذية الإنترنت بالمعلومات .. سواءكانو في مواقع اجتماعية أو حتى موسوعة وايكيبيديا .. فكل ملقن لمعلومة أو رأي يعد فرد من هالمجتمع
افتراضي أم واقعي ؟؟ يعني إذا بدي قارن بين مكتبتي في الصالون ومكتبتي على القرص الصلب .. بقدر أقول إنو نفس المعلومات الموجودة في نفس الكتب موجودة في الاثنين بينما تحتوي مكتبتي على القرص الصلب كتب أكتر من مكتبتي ام خشب بلوط الواقعة على الجدار الغربي من صالوني
شو هو الافتراضي مقابل الواقعي .. المعلومة معلومة .. ما بتفرق وين موجودة هيدا رأيي بينما الناس
اهااااا لنجي للناس
لو أردنا التحدث عن الناس الموجودين في هيومانيا مثلا .. أغلبهم ناس معروفين بالنسبة لي .. بعضهم التقيتهم وبعضهم يعرفهم من التقيته ويبقى جزء لم ألتقه سوى على النت
من التقيت أعرف يقينا من هو ومدى واقعية وتزييف حقائقه .. من عيوني واستنتاجي لما يحصل بيننا ومقارنة آراءه التي يدعي تبنيها بما يطبقه في حياته العملية من أعرف أستطيع التكهن بمدى واقعيته وافتراضيته أيضا
يعني بالعقل أستطيع تكهن من يعيش في عالم افتراضي ويحاول نقله عبر الانترنت
يعني مثلا لما حدا بيدعي إنو في مكان بينما لا يستطيع أن يصف لي هذا المكان أو يقدم معلومات عن المكان أعرف يقينا أنها خطأ أقدر هنا مدى مصداقيته كما كاشف العناوين المعلوماتية بيعطيني مؤشر آخر للمصداقية لو ادعى إنو مثلا شغلته مهندس ديكور ولقيت معلوماته بالهندسة متل معلوماتي بالجيولوجيا .. ..... وهكذا
ولأن نفس هالعالم موجودين داخل وخارج النت .. لا أعتبر عالم الانترنت افتراضي هنا
متى يكون أي عالم افتراضيا؟ عندما يكون كل مفاهيمه لا تمت لأرض الواقع بصلة مثل علاقات الحب الفارطة على المسنجرات مثل الصداقات اللي بتنهار أمام أول احتياج من صديق لصديقه
هالعالم ممكن يكون افتراضي حتى لو إيدك بإيدي ومنتشارك بالكرسي والصحن وحتى السرير
عذرا يمكن زودتها بس حقيقي .. ياما في علاقات افتراضية بصكوك واقعية من أبوة أو أخوة أو زواج أكتر ما يمكن موجود على الانترنت
نقاش سعيدومفيد للجميع
دموووعة
صحيح انا معك ان المعلومة معلومة وما بتفرق وين ماكانت ومعك كمينا ان الاشخاص والعلاقات الانسانية صارت واقعية عالنت وافتراضية عالواقع بس يعني مش ملاحظة ان صاير النت متحكم بادق تفاصيل حياتنا ولا يمكن انا لحالي اللي هيك بحس هههههههههههه بس يعني صرنا نعئد مع العيلة والاصدقاء اول حديث بعد السؤال عالحال كيف الفايس بوك معك وشو اخر موضوع كتبتو بمدونتك يعني عنجد شوي تانيي رح نتحول لروبوت حاسة هههههههه طيب بدي اسالك بشغلة دموعة شفتي شي فيلم افاتار؟ لو شفتي شو رايك فيه وبس تكتبي رايك الي رجعة لنكمل الحوار مسيتك بالخير غاليتي | |
|
| |
AL_Sahed
Posts : 3022 Join date : 2010-05-03
| Subject: Re: دعونا نناقش Sun May 23, 2010 4:40 pm | |
| - Fantazy Girl wrote:
انا معك باللي حكيتو عن المعلومات بس برايك هل النت ممكن ينجح كوسيط للعلاقات بين الناس خاصة الزواج ؟؟ ناطرة رجعتك نورتني سهودي والله ليس رأي ولا اعتقاد اعرف ناس من اصدقائي تعارفوا وتزوجو على الانترنت
في النهاية هو مثل كل شيء في هذه الحياة له وجه طيب ووجه خبيث
وكل واحد ونواياه
تحياتي | |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Sun May 23, 2010 5:32 pm | |
| - AL_Sahed wrote:
والله ليس رأي ولا اعتقاد اعرف ناس من اصدقائي تعارفوا وتزوجو على الانترنت
في النهاية هو مثل كل شيء في هذه الحياة له وجه طيب ووجه خبيث
وكل واحد ونواياه
تحياتي
طيب بس خليني ارجع اسالك
حسب نظرتك لاصدقائك الي تزوجو عن طريق النت
كيف بتقيم زواجهن حاليا؟
وبتتخيل ممكن انت كمان تتعرف على زوجة المستقبل عن طريق النت؟ يعني انا برايي وحسب اللي شفتو من زواجات صارت عن النت بتلاقي الاتنين بعد الزواج بيتلقو صدمات عديدة لان وقت حكو بعض عالنت ماقدرو يعرفو طبيعة بعض تماما لان ئد ما كان النت بيضل يخلي الانسان مو على طبيعتو وهون بيخطر ببالي شي تاني كمان ئديه ممكن الانسان يكون عالنت متل ماهو بالواقع
| |
|
| |
AL_Sahed
Posts : 3022 Join date : 2010-05-03
| Subject: Re: دعونا نناقش Sun May 23, 2010 9:44 pm | |
| ياعزيزتي
يعني هو المفروض من انت على كاتب العدل
لاطبعا هي بدايه اولى للتعارف ومنه بيعرفو افكار بعضهم وكيف طريقة تفكير كل واحد
وبعدين الي غرضه شريف بيدق الباب وممكن يعطي نفسه فسحه اكبر للتعارف حتى
لوكانوا مثلا اهلها شديدين ومحافظين لاقصى درجه ممكن يستعين بقرايبه
يعني في النهاية الي نواياع سليمة مافي شي بيمنعه
تحياتي | |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Mon May 24, 2010 4:16 am | |
| - AL_Sahed wrote:
-
ياعزيزتي يعني هو المفروض من انت على كاتب العدل لاطبعا هي بدايه اولى للتعارف ومنه بيعرفو افكار بعضهم وكيف طريقة تفكير كل واحد وبعدين الي غرضه شريف بيدق الباب وممكن يعطي نفسه فسحه اكبر للتعارف حتى لوكانوا مثلا اهلها شديدين ومحافظين لاقصى درجه ممكن يستعين بقرايبه يعني في النهاية الي نواياع سليمة مافي شي بيمنعه تحياتي
ههههههههههههههههه عجبتني هي من النت ع كاتب العدل على طول طيب بتعرف شو سهودي , انت هيك فتحت موضوع جديد هلاء بغض النظر عن النت بس العلاقة بين الاتنين بالخطبة ماعم توضح طبيعتن والما في شغلات تتغير او تنعرف بعد الزواج يعني ئد ماكانو قراب من بعض وهنن مخطوبين مش رح يئدرو يعرفو التفاصيل الخاصة بشخصية كل واحد فيون الا لبعد الزواج لان ئد ماكان في اشيا ما بتنعرف الا لما يتعايشو سوا ببيت واحد وهون بتكون الصدمة العظمى ههههههههههههههه طيب هلاء انا براسي طلع موضوع تاني بعيد تماما بس مامشكلة المواضيع اللي منقراها ومنكتبها ومنتشارك فيها بالمنتدى ئديه بتفيدنا وممكن تعزونا بحياتنا الواقعية ؟؟؟؟ ومش عم شوف مشاركة كتير من الكل شو ماعجبكن الموضوع مسيتك بالخير سهودي | |
|
| |
دمعة قمر
Posts : 2457 Join date : 2010-04-15
| Subject: Re: دعونا نناقش Mon May 24, 2010 4:29 pm | |
|
لا والله يا عزيزتي ما شفت فيلم آفاتار بس إذا بدك للنقاش بدور على ملخصه ع النت
بالنسبة للي بصير بالمجتمع ما هو فعلا النت صار جزء من حياة كل إنسان فينا تقريبا فشيء طبيعي يتصدر أو ياخد جزء من أحاديثنا
مثلا أنا وصحابي ممكن نناقش المنتدى بسهرة .. عادي جدا ليش إنتو مش واقع يا أهل هيومانيا؟
سؤالك للساهد عن الزواج عندي صديقتين تزوجو من معرفة ع النت والصراحة أسعد من بقية الناس اللي بعرفهم اللهم لا حسد
يمكن لأن أصلا لما تعرفو ما كان هاممهم شو بفكر الطرف لتاني ع الخط وكانو ع طبيعيتن
هلأ شي طبيعي يكون الزواج فيه صدمات .. لك حتى لو تجوزتي ابن جيرانك أو ابن عمك رح يكون في صدمات لأن أكيد المعاشرة غير عن العشرة
هلأ خليني أقربلك الفكرة تصوري مثلا قريبة إلك أو صديقة بتعرفيها وبتتفقي معها وبتحسي كأنها توأم الروح
تعي شي يوم تضطر تنام كم ليلة ببيتك وشوفي الفرق بينك وبينها .. جد
يلي عمحاول قولو إنو النت وبرا النت مش معيار نجاح أي علاقة .. ولا مقياس لشخصية حدا .. يلي قاصد يكزب بيكزب برا النت قبل ما يسجل دخول ع النت ويلي طبيعته صادق بكون صادق وين ما كان .. هلأ هول أصعب شوي ع النت لأنن بيعرفو إنن صادقين وبكونو متحفظين ونحنا تعودنا إنو الشر صار أعم من الخير عموما .. فطبيعي يكون نفس الشي بالنت .. إنو الناس اللي صادقين ومناح أقل من العكس
| |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Mon May 24, 2010 6:22 pm | |
| - دمعة قمر wrote:
لا والله يا عزيزتي ما شفت فيلم آفاتار بس إذا بدك للنقاش بدور على ملخصه ع النت
بالنسبة للي بصير بالمجتمع ما هو فعلا النت صار جزء من حياة كل إنسان فينا تقريبا فشيء طبيعي يتصدر أو ياخد جزء من أحاديثنا
مثلا أنا وصحابي ممكن نناقش المنتدى بسهرة .. عادي جدا ليش إنتو مش واقع يا أهل هيومانيا؟
سؤالك للساهد عن الزواج عندي صديقتين تزوجو من معرفة ع النت والصراحة أسعد من بقية الناس اللي بعرفهم اللهم لا حسد
يمكن لأن أصلا لما تعرفو ما كان هاممهم شو بفكر الطرف لتاني ع الخط وكانو ع طبيعيتن
هلأ شي طبيعي يكون الزواج فيه صدمات .. لك حتى لو تجوزتي ابن جيرانك أو ابن عمك رح يكون في صدمات لأن أكيد المعاشرة غير عن العشرة
هلأ خليني أقربلك الفكرة تصوري مثلا قريبة إلك أو صديقة بتعرفيها وبتتفقي معها وبتحسي كأنها توأم الروح
تعي شي يوم تضطر تنام كم ليلة ببيتك وشوفي الفرق بينك وبينها .. جد
يلي عمحاول قولو إنو النت وبرا النت مش معيار نجاح أي علاقة .. ولا مقياس لشخصية حدا .. يلي قاصد يكزب بيكزب برا النت قبل ما يسجل دخول ع النت ويلي طبيعته صادق بكون صادق وين ما كان .. هلأ هول أصعب شوي ع النت لأنن بيعرفو إنن صادقين وبكونو متحفظين ونحنا تعودنا إنو الشر صار أعم من الخير عموما .. فطبيعي يكون نفس الشي بالنت .. إنو الناس اللي صادقين ومناح أقل من العكس
لاحكيلك باختصار اول شي عن فيلم افاتار هلاء غير الفكرة الرئيسية للفيلم ان في كوكب تاني وكوكب الارض او البشر تدحيدا قرروا يحتلو ليسرئو ثرواته الفكرة التانية كان ان كلشي عم يتم بواسطة الكمبيوتر الفلم هو نوع من التخيل كيف رح تكون الحياة بعد كم سنة ومن الافكار الموجودة كانت ان الانسان بيتواصل مع غيره عن طريق جهاز متل تبعول اللي بياخدو فيه صور الاشعة بيعئ جواته وهالجهاز متصل بكمبيوتر ودماغ الانسان بيتصل عن طريق الكمبيوتر بجسم تاني بيصير يتحرك خلالو وبيصير يتواصل مع غيرو كمينا خلالو فكرة طبعا فانتازية اعتدنا على هيك شي بالسينما الامريكية بس ان فكرنا فيها شوي رح نلاقي ان عم تتحقق تدريجيا ونحن بالفعل صار التواصل بينا وبين العالم عن طريق الكمبيوتر انا مش ضد هالشي الواحد مش ممكن يكون ضد العلم والتطور بس بتعرفي شو انا احيانا بفكر ولادنا اللي عم يخلئو ويوعوا دغري عالنت والكمبيوتر والموبايلات وهالئصص تبسدئي من جمعتين شفت بيبي بالسوء حاطتو امو بالعربية وعم تكزدرو وهوي ماسك بايدي جهاز ايفون عم يتفرج على فيديو من خلالو بعتئد افلام كرتون هيك حسيت من الاصوات بس ان بجد زعلت حسيت هالبيبي الكترونيك كتير ان وين الالعاب اللي تعودنا نشوفها بايدين ولادنا راحت ؟؟ انا معك ان العالم اللي منعرفن بالنت واقعيين واكيد منخصص وقت من حياتنا لالهن وانا عن نفسي الي رفقة من ست سنين لهلاء عالنت ولا مرة سمحت الفرص لنشوف بعض مع ان حاولنا كتير بس هالشي ماغير معزتهن بالقلوب اكيد بس انا عم احكي بشكل عام ان عنجد حياتنا صارت كلها الكترونيك وديجتال صبحتك بالخير عزيزتي | |
|
| |
kako
Posts : 4219 Join date : 2010-04-24
| Subject: Re: دعونا نناقش Mon May 24, 2010 10:01 pm | |
| جبل كوردستان موضوع حلو وشيق للنقاش انا كمشاركتي الاولى راح اعلق على رايك انت فانتزي كيرل بالنسبة لموضوع الكتب انا معاك انه النت فقد الكتب لذتها , و لكن لشخص مثلي عايش ببلد لا تتوفر فيه مصادر و مكتبات عربية النت هي البديل و انا فرحان بيه. فيه حالة اخرى نحن كلنا نعرف ان معظم البلدان العربية لا توجد فيه حرية الاعلام و النشر لذا المواطن الفقير يقدر يحصل على الكتب الممنوعة في بلاده من خلال النت. أما بالنسبة لموضوع الصور و الفيس بوك : اقول ان الفيس بوك ما اله دخل بالموضوع اصلا قبل فتح هالموقع كانت فيه كاميرا الديجيتال و تقدر تخزن الصور بالكمبيوتر او السي دي و ترسلها الى من تريد بالايميل او المسنجر و طيب شو هي ذنب الفيس بوك ؟ صحيح الصور بالالبوم لها طعم خاص و انا لايزال احتفظ بالصور في الالبومات هاي كانت بس توضيح رايي على ما تفظلتي به , ان شاءالله الي رجعة يومك عسل تحياتي كاكو |
| |
|
| |
دمعة قمر
Posts : 2457 Join date : 2010-04-15
| Subject: Re: دعونا نناقش Tue May 25, 2010 1:51 am | |
|
يسعدلي كل أوقاتك فانتا ليكي ههههههه زكرتيني بخيي الزغير كان كل ما تقلو ماما عن شغلة كانو يعملوها ويلاقيها إنو بتمت لعصرنا أو بعدا موجودي يسألها ماما .. إنتو كان عندكن برادات وتلاجات وإنتو زغار ماما تنقهر منو .. تقلو لأ بيبي كنا نطلع عالجبل وندير العسلات ع التلجات ونعقهن طبعا بلأمنة وأنا أفقع ضحك
يلي عمحاول قولو إنو هلأ نحنا لأنو تخطينا مرحلة الطفولة .. ممممممم بقصد إنتو أنا ما ناوية أتخطى ههههههههه بعد مرحلة الطفولة ببلش يلاقي الإنسان اختلافات بالمعيشة بين طفولته وبين طفولة الجيل اللي بعده هالشي ع فكرة بحسو بخوف شوي يمكن بصير يخاف إنو ما يقدر يتواصل مع شي جديد ويمكن لأنو طبيعة البشر الخوف من الجديد بفطرتها بس هيك تفسيري لهالموضوع
إنو يعني إيه أنا لعبي كانت مختلفة كتير عن لعب ولادي بس حاولت أتواصل مع هاللعبة .. يعني أنا بلعب بألعابن معهن
شي جديد خليني جربو وطول ما أنا بفكر هيك بحياتي وشو ما إجا جديد مش رح حس حالي غريبي
هلأ نجي لفكرة إنو حياتنا صارت كتير روبوتيك مممممممممم .. ما بنكر فعلا صارت روبوتيك يعني إنتي فانتا أزغر مني بس إنو عملتي شي واجبات وقدمتيهن من النت لمعلمتك بالمدرسة؟ اضطريتي تعملي هيك شي؟ هلأ ولادنا لو حاولنا نفصلهن عن النت أو التقنية ما منقدر كم مرة جيب لأفصل خط النت قال شو من خوفي ليدمنو ومرة قالولي إني مدمنة نت وإنو حياتي مش طبيعية معلشي بس وين البريد تبع زمان كنتي تشتري فيلم الكاميرا من أي دكان هلأ بدك محل تصوير وتظهير لتلاقيه ويمكن بكرا يبطلو يبيعوه هيي الدنيي هيك وطول ما هيي هيك رح بتأثر على البني آدم
نصير افتراضيين لمجرد عمننقل مثلا بسمتنا عن طريق سمايلي؟ ممكن تتطور الفكرة فعلا وتصير تنقل بسمتنا بدقة أكبر أو كزبتنا أو غضبنا
بس بالنهاية طالما هيك عالمنا ولازم نتعاطى معو معناتو صار هيك الواقع وما بئا افتراض
بتمنى كون قدرت وضح قصدي
سهرة سعيدة بيبي
| |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Wed May 26, 2010 5:13 pm | |
| - kako wrote:
جبل كوردستان موضوع حلو وشيق للنقاش انا كمشاركتي الاولى راح اعلق على رايك انت فانتزي كيرل بالنسبة لموضوع الكتب انا معاك انه النت فقد الكتب لذتها , و لكن لشخص مثلي عايش ببلد لا تتوفر فيه مصادر و مكتبات عربية النت هي البديل و انا فرحان بيه. فيه حالة اخرى نحن كلنا نعرف ان معظم البلدان العربية لا توجد فيه حرية الاعلام و النشر لذا المواطن الفقير يقدر يحصل على الكتب الممنوعة في بلاده من خلال النت. أما بالنسبة لموضوع الصور و الفيس بوك : اقول ان الفيس بوك ما اله دخل بالموضوع اصلا قبل فتح هالموقع كانت فيه كاميرا الديجيتال و تقدر تخزن الصور بالكمبيوتر او السي دي و ترسلها الى من تريد بالايميل او المسنجر و طيب شو هي ذنب الفيس بوك ؟ صحيح الصور بالالبوم لها طعم خاص و انا لايزال احتفظ بالصور في الالبومات هاي كانت بس توضيح رايي على ما تفظلتي به , ان شاءالله الي رجعة يومك عسل تحياتي كاكو |
هلاء انا معك ان ممكن يحل ازمة النت خصوصي للمنقطعين بالغربة متلنا ههههههههه بس انو برايي مابكون البديل وكمان معك حق بخصوص الفايس بوك من قبلو صارت الكميرات الديجيتال يسلمو كاكو عمرورك نورتني | |
|
| |
Fantazy Girl
Posts : 113 Join date : 2010-04-25 Location : In The Country of FreedoM
| Subject: Re: دعونا نناقش Wed May 26, 2010 5:18 pm | |
| - دمعة قمر wrote:
يسعدلي كل أوقاتك فانتا ليكي ههههههه زكرتيني بخيي الزغير كان كل ما تقلو ماما عن شغلة كانو يعملوها ويلاقيها إنو بتمت لعصرنا أو بعدا موجودي يسألها ماما .. إنتو كان عندكن برادات وتلاجات وإنتو زغار ماما تنقهر منو .. تقلو لأ بيبي كنا نطلع عالجبل وندير العسلات ع التلجات ونعقهن طبعا بلأمنة وأنا أفقع ضحك
يلي عمحاول قولو إنو هلأ نحنا لأنو تخطينا مرحلة الطفولة .. ممممممم بقصد إنتو أنا ما ناوية أتخطى ههههههههه بعد مرحلة الطفولة ببلش يلاقي الإنسان اختلافات بالمعيشة بين طفولته وبين طفولة الجيل اللي بعده هالشي ع فكرة بحسو بخوف شوي يمكن بصير يخاف إنو ما يقدر يتواصل مع شي جديد ويمكن لأنو طبيعة البشر الخوف من الجديد بفطرتها بس هيك تفسيري لهالموضوع
إنو يعني إيه أنا لعبي كانت مختلفة كتير عن لعب ولادي بس حاولت أتواصل مع هاللعبة .. يعني أنا بلعب بألعابن معهن
شي جديد خليني جربو وطول ما أنا بفكر هيك بحياتي وشو ما إجا جديد مش رح حس حالي غريبي
هلأ نجي لفكرة إنو حياتنا صارت كتير روبوتيك مممممممممم .. ما بنكر فعلا صارت روبوتيك يعني إنتي فانتا أزغر مني بس إنو عملتي شي واجبات وقدمتيهن من النت لمعلمتك بالمدرسة؟ اضطريتي تعملي هيك شي؟ هلأ ولادنا لو حاولنا نفصلهن عن النت أو التقنية ما منقدر كم مرة جيب لأفصل خط النت قال شو من خوفي ليدمنو ومرة قالولي إني مدمنة نت وإنو حياتي مش طبيعية معلشي بس وين البريد تبع زمان كنتي تشتري فيلم الكاميرا من أي دكان هلأ بدك محل تصوير وتظهير لتلاقيه ويمكن بكرا يبطلو يبيعوه هيي الدنيي هيك وطول ما هيي هيك رح بتأثر على البني آدم
نصير افتراضيين لمجرد عمننقل مثلا بسمتنا عن طريق سمايلي؟ ممكن تتطور الفكرة فعلا وتصير تنقل بسمتنا بدقة أكبر أو كزبتنا أو غضبنا
بس بالنهاية طالما هيك عالمنا ولازم نتعاطى معو معناتو صار هيك الواقع وما بئا افتراض
بتمنى كون قدرت وضح قصدي
سهرة سعيدة بيبي
هههههههههههههههههههههههههههههه شو مهضوم خيك الله يخليلكن ياه بتعرفي دموعة يمكن صحيح الخوف من ان نكون ماعاد نقدر نتواصل مع الاجيال اللي بتصغرنا هوي اللي بيخلينا نرفض هالتكنولوجيات وبتعرفي شو كمينا هلاء بخصوص الصور يمكن لان انا بحب صور وحمض الصور وجيب افلام وهالئصص اللي نقرضت تقريبا وفعلا محلات بيع الافلام والتحميض ماعادت بتعرفي شو ,, يمكن صار الوقت لجيب كاميرا ديجيتال جديدة وارمي هالعتيقة اللي عندي نورتي دموعة وناطرتك بالنقاش الجايي | |
|
| |
khalido
Posts : 1370 Join date : 2010-04-30 Age : 45
| |
| |
| دعونا نناقش | |
|