موال موعود >>>للفنان الياس كرم\\\\

Posts : 222 Join date : 2010-05-19

موعود فيها صار الي مدة ولما تلاقت يدها بيدي
قلت بدي شكلك بالورد قالت انا بالعكس ما بدي

فرشتلها ريش النعام تخوت وبوردتها بهبة نسيم الليل
وجبتلها حبة من الياقوت تلمع بايدا متل نجم سهيل
قلتلها يا حاضري وغدي عفوك هدايا الحب لا تردي
غطت زنود العاج بالديباج وقالت اذا بتريد ما بدي

وسحبت من عمر الزمن خيطان لونن بلون شفافها الحمرا
وطرزت فيهن قبة الفستان اللي رح تحترق من تلجة الجمرا
وقلت لبسيهن والشمس حدة فزعان تكوي الورد المندي
قالت ما فيها الشمس تكوي شمس وعن اذنك فساتيييييين ما بدي

وليلة شربت السحر وتغيرت ودخلت غرفتها ورا الاحلام
وقربت من صوب الفراش وصرت رش الغفا بعيونها تتنام
نامت وحلمت حالها حدي وصارت تطبع جمر عخدي
وشو خفت يفلت من عيونا الحلم وتوعى الصبح وتقول ما بدي

ولما عرفت ما في امل يحلا عنقودها فتشت ع احلا
ولما عرفت العصفور منها طار من غير وعي من عيونها الكحلا
من القهر نزلت دمعة اليا ريت تكوي الزرار بعروة المريول
وصارت بعد ما تركتها وفليت تركض ورايي حافية وتقوووووووووووول
دخلك شدني وغمرني بدي اغفى واعمل زندك مخدي
قلتلها سبحان الله كيف وقت اللي صار بدك ما بقى بدي

Posts : 4739 Join date : 2010-04-28 Location : kurdistan

الله شو حلوة الكلمات !!

تسلم ايدك خي

تحيتي

Posts : 8631 Join date : 2010-04-15 Age : 38

شكرا على الكلمات الجميلة برهوم

نهارك لافندر

تحياتي
نور البياتي

Posts : 222 Join date : 2010-05-19

lara wrote:: الله شو حلوة الكلمات !!

تسلم ايدك خي

تحيتي

يسلمك لارا

شكرا على مرورك

تحياتي

Posts : 222 Join date : 2010-05-19

Marvy wrote:: شكرا على الكلمات الجميلة برهوم

نهارك لافندر

تحياتي
نور البياتي

الشكر لك نور على مرورك العطر

تحياتي

» موعود
» الالبوم الكامل للفنان - Adam Lambert
» اكبر معرض استعادي للفنان فان كوخ في لندن
» لوحات للفنان التشكيلي حسين مصدق