حروف اسمك

Posts : 237 Join date : 2010-05-11

حروف اسمك ....

اربع حروف , يا ريت فيني الغيا
حروف لكتبت اسمك فيا ...
حفرت بقلبي , حروف اسمك عنوان
نستني سنين عمري , وايام زمان.

شفت فيك , الانسان الصديق
وايدك بلسمت جرح , بقلبي عميق
ما طلبت منك بيوم , تكون الحبيب
ولا مغرم صبا , ولا عاشق , ولا عشيق.

شو تمنيت ...ع كتفك هيّك اتكي
وتمسح بأيدك من عيوني , الدمع المشتكي
لكن...
طلعت خاين , وما عندك وفا...
وعلّمت قلبي , معنى الحقد والجفى.

بحياتي...
ما شفت متلك , انسان ماهر
يمرق ع صور حبنا , بشوق عابر
هيك , من غير سلام.... ولا كلام
ولا نظرة عتب , اوحب , او ملام.

بتتذكر...
بتتذكر شو كنا نحكي بحنين
ولهفة حبك ... وين صارت ؟ ولمين؟؟؟
شو يلي قسى قلبك , ومن بعد الوفا !!!
يمتلي حقد , وكلامك كلو جفى ؟؟؟

شو باك ...ليش ساكت ؟؟ حكّي ... قول؟
ما بقى في عندك حَكي ... ... معقول؟
يا خاين عهد الوفا ..
شو يلي جرى وشو صار ؟
ت هيك يليلة جفى ....
ينتهي المشوار؟

7ELEM nour
اذكروني كل ما شفتوا حروف اسمي...نور

Posts : 2457 Join date : 2010-04-15

مرافعة قلب ضد اللي تركو ناطر
والمحامي قادر لأنو مليان مشاعر
حاصر الخاين بالأدلة
ووجهله الأسئلة زلة ورا زلة
راح يسأل حالو يعترف؟
وطى راسو بس سمع شو اقترف
يا ترا بعيدها مع تاني قلب
أو تربى وامتنع عن تمثيل الحب؟
وهلأ شو الحكم رح بيكون
وبأي حبس رح ينتهي مسجون
أو يا ترى بيقدم لنور اعتذار
الكزب بالحب ما بيطلع عليه نهار

عندما يتحدث القلب المفجوع .. يبدع برقصة الحزن
حلم نور أبدعتي
محبتي يا غالية

Posts : 11 Join date : 2010-05-16

عم بلعب وبفكر حالي صغيره
عم شوف الوفاء بعيون الناس
ما بعرف أنه العمر فات وعم بحلم
وعم دور عن الوجوه البريئه
ليش دمعه البريئه أختفت ليش البسمه
صارت عيب وين العيب فينا
صديقتي وغاليتي...
كم أتمنى تكون كلماتي تنال أعجابك
وتفي حقك يا نور العيون

Posts : 99 Join date : 2010-05-16

أنقياد للمداد ليمطر بها السطر
والزمن ؟ لن يمر على عجلة مدولبة
والذكريات نقش لم يشكي منه جدار
ك سديمية التكوين وهواجس الغلس
تبكيني راحلتك رغم أنها لم تكن ضالعة المسير
قويّة أنتِ يا نور حتى بالمفردات الهامسة
تنصاع لكِ الحروف كلما شئتِ
تحايا وتقدير لشخصك الكريم

تحيات الادميرال

Posts : 49 Join date : 2010-05-25

حروف مكتوبة على صفيح من ذهب
منقوشة على قلب حنون طالما اسعدنا البقاء بجانبه

الحروف اربعة
والسر مكنونه القلب

حروف نابعة من قلب كبير

الرمز صعب
الاسم مجهول لدينا

و معلوم لدى حلم نور

حروف مطرزة بشذرات الحب

سلمت على ابداعك

تحياتي

Posts : 237 Join date : 2010-05-11

دمعة قمر wrote:: مرافعة قلب ضد اللي تركو ناطر
والمحامي قادر لأنو مليان مشاعر
حاصر الخاين بالأدلة
ووجهله الأسئلة زلة ورا زلة
راح يسأل حالو يعترف؟
وطى راسو بس سمع شو اقترف
يا ترا بعيدها مع تاني قلب
أو تربى وامتنع عن تمثيل الحب؟
وهلأ شو الحكم رح بيكون
وبأي حبس رح ينتهي مسجون
أو يا ترى بيقدم لنور اعتذار
الكزب بالحب ما بيطلع عليه نهار

عندما يتحدث القلب المفجوع .. يبدع برقصة الحزن
حلم نور أبدعتي
محبتي يا غالية

دمعة قمر

سيدتي الفاضلة

بتشكر قلمك يلي زاد من جمال صفحتي المتواضعة

واكيد الكذب ما رح يكون بابا ابيض للقلب

محبتي لروحك يا غالية

7ELEM nour
اذكروني كل ما شفتوا حروف اسمي...نور

Posts : 943 Join date : 2010-04-15

عندما يمتليء قلب الانسان بالالم

يصل الى مرحلة يود لو انه ينسى كل شيء يذكره بوجعه

و يشطب كل ما مر به

شكرا حلم نور غلى الابداع المتواصل

دمت بخير يا غالية

يسعد كل ايامك يا رب

» صفات الرجل من عدد حروف اسمه