حكاية حنين....رح خبركم , حكاية بنت حبيتوّا
عشتوا معا سنين , وما شفتوّا
كانت حنين ...بصورة ملاك حنونه
ونسمة هوا , هبت هيك مجنونه
اخدت حنين , وهي بعمر الورد
ما همها الريح العاصفة , ولا البرد
ورميتها بليلة قدر , كلها قسى
وهي حنبن الحب ... والوفا
عاشت سنين عمرها , بقلب مفتوح
وكانت البلسم... لكل مجروح
كفكفت دموع الباكي...
ومسحت حيرة الشاكي....
وعاشت , قصة حب , خبتها سنين
بقلب مجروح , مليان شوق ...وحنين
لكن ....قلبها الضعيف ما تحمل
حب الحبيب (....) ولا اتأمل
معجزة من ربي العالمين
تخلي حنين تعيش , اكتر سنين
وفجأة ... دق الباب ناقوس الخطر
جايّي يهد امال , بلمحة نظر
يخطف حنين , من حضن امها ...
لعاشت سنين بحزن , ع بنتها
واب ....حامل شهادة الطب بفخر
وبين سطور شهادتو , شاف القهر
داوى ناس كتار مجروحين
وعصيت عليه , جروحات بنتو حنين
وهيك .... من غير كلمة وداع
غابت حنين ...والعمر ضاع
غابت , بليلة مجنونه
وباقي اسمها , ذكرى حنونه
مش رح طول عليكم الخبريه
هيدي حكاية حنين .... الكانت منسييه
7ELEM nour
اذكروني كل ما شفتوا حروف اسمي...نور