| | بدي رأيكم.... |  |
|
+3AL_Sahed The Trust ليدي المنتدى 7 posters |
| Author | Message |
|---|
ليدي المنتدى
Posts : 20
Join date : 2010-04-25
| Subject: بدي رأيكم....  Tue Jul 20, 2010 3:02 pm | |
| بِسْمِ اللّهِ الرَّحْمـَنِ الرَّحِيمِ
صباحكم جوري
مابعرف من وين بدي بلش ولا كيف
بس انه معئوول صارت البشر منافقة هالئد!!!!
قريبة لي
كانت صديقة معي من 14 سنة
كنت الها الاخت والصديقة والمُعينة(بعد الله)
وكل شي بيتمناه الانسان من صديقه ....
وبحبها بالله من غير أي مصلحة دنيوية
والله يشهد علي...
اتهموها بأشياء كتير كتير
وكنت عند كل اتهام اوقف معها لأني حس انها مظلومة
من هالاتهامات كانت تهمة بأخلاقها
ووقفت معها ضد الكل حتى قدرت رجع حلّي شوي صورتها للأقارب
وقدرت بفضل الله أني رجعها واقفة على رجليها...
كنت أعرفها أنها نفس الشي معي
ومتل مابيقولوا وراي متل السيف
وطبعا هالشي ظهر منها بموقف
بس,,,
كنت أشعر بشي غريب منها
شعور مابعرف شو هو
وعرفت هالشعور هلئ
من جديد بلشت تتغير معي
وبعد موقف منها بينها وكشفها الي
وكشف كذبها ونفاقها وحسدها وغيرتها
وتكشفت أشيا وأشيا,,,
أنها عم تحكي عليي من ورا ضهري
شي كان والاكتر يللي ماكان
وبتكذب ع لساني وعم تشوه صورتي للكل
بس بفضل الله الكل بيعرفني شوأنا
وبيعرفوني أني صريحة ووقت كلمة الحق مابخاف من مخلوق
وبحكيها لو على قطع رقبتي
وماعندي شي خاف منه غير الله ...
صدمة,,مابتمناها لأي انسان
صدمة,,أخرست لساني وخلتني افقد توازني...
(كم يوم طبعاً)...
أنا ممكن أصادق أي انسان ومن دون حذر
(ولو انه أصدقائي وصديقاتي معدودين على أصابع اليد الوحدة)
لأنه بفضل الله ماعندي شي خاف منه إلا الله
يعني باختصار مافي أسرار عندي
بس هي لها ألف سر وسر عندي (بعيد عن الاخلاق طبعاً)
وإذا بكشف عنها أي سر رح اخرب عليها حياتها
بس حاشى لله أني اعمل هيك
هالانسانة ومابعرف اذا فيي اطلق عليها هاللقب
أكيد مريضة
ومرضها نتج عن ظلم الناس الها
في ناس وقت تنظلم بتصير تخاف تظلم أي انسان
وبتتحرز كتير بالتعامل خشية الظلم
وفي ناس وقت تنظلم
بتقلب والعياذ بالله لناس ظالمة
ومابتعرف حبيبها من عدوها
كل يللي بيعرفها وبيعرفني ئالوا لي واجهيها
ئلتلون أنا واجهها بعد الاشيا يللي عملتها
عتاب النذل اجتنابه ومابدي واجهها
وهي بنظري مااااااااتت ماااااااتت (الله يرحمها)
انتو شو رأيكم
شو يللي خلاها تنقلب عليي الحسد والغيرة بس؟
لأنه ماكانت هيك
وأنا بعرف حالي منيح شو كنت معها
بواجهها..؟؟؟؟ طيب هي ميتة بالنسبة لي
كيف بدي واجه ميت..!!!؟
شو الحل..؟؟!!!!
| |
|
| | |
The Trust
Posts : 1602
Join date : 2010-04-17
Location : leb__norway__anon
| | Subject: Re: بدي رأيكم.... Tue Jul 20, 2010 3:09 pm | |
| بدي ساعتين وبرجع من مشواري
وبجاوبك ان الله قدرني
بس روقي شفت من هالمساطر لشبعت انا والله مابدا كل هالقد
يسعد صباحك ست الستات | |
|
| | |
ليدي المنتدى
Posts : 20
Join date : 2010-04-25
| | Subject: Re: بدي رأيكم.... Tue Jul 20, 2010 3:15 pm | |
| بِسْمِ اللّهِ الرَّحْمـَنِ الرَّحِيمِ
صباحك جوري وكادي
ومشتاااااائتلك أنا خيي سمير
ماتخاف ابو سمرا
كانت كم يوم صدمتي
بس هلئ رايئة والله
أختك اخت رجال
وهي بالنسبة لي ماااااااتت والله ماتت
ناطرتك عيوني
والله معك | |
|
| | |
The Trust
Posts : 1602
Join date : 2010-04-17
Location : leb__norway__anon
| | Subject: Re: بدي رأيكم.... Tue Jul 20, 2010 5:29 pm | |
| صباحك متلك ياست الستات
هيدا ياستي سبق وقلتلك لو بتزكري
عيبك طيبه قلبك
نقاشتيني بوقتا انا ماقتنعت والله
هيدي الانسانه مش مريضه
بالعكس بنظري طبيعيه
لان عندي صار من زمان قناعه تامة مافي صداقه بين حوا
مش تقليل منهون لا ابدا والله
بس الغيرة القاتله باغلب النسوان
وان صار احد الاطراف نيته صافيه التاني من المستحيلات يكون متله
وان ظهر عكس مافي جواته
الا مابيجي يوم وينكسر هالقناع ويوقع
الا من رحم ربي هولي نسبه قد لاتعد الا باصابع الايد
بزكر في طبيبه اسنان كانت تعرف صديق ئلي علاقة زماله عاديه
وكانت هالطبيبة الها تلات رفقات باعوها كرمال رفيقي
لا وباعو بعض بعدا
الصداقه ياللي كانت بيناتهون من 22 سنة مستمرة
هيدي وحدة من القصص ياللي بعيني شفتا
انا صار معي شبه هيدا الموقف بعد 12 سنة تقريبا صداقه
زعلت عليه ربع ساعه الله وكيلك وبعدا تلاشى من حياتي
بدك ترتاحي
اقرب الناس ئلك توقعي منه الغدر وهيك بترتاحي
ومني منك مابراجعها ابداً
ولا بشيلها من ارضها والله
يعني خير ماعمولتي
وانشالله ربي يبعد هالمساطر عنك وعن الجميع | |
|
| | |
AL_Sahed
Posts : 3022
Join date : 2010-05-03
| | Subject: Re: بدي رأيكم.... Tue Jul 20, 2010 5:47 pm | |
| ا هلين شباب
سميرو اسمحلي بشغله تعقيبا على كلامك الي انا معك ميه بالميه
حتى كلمت قناع هاليومين ماعم تخش براسي
الاقرب هو انه في تغير وفيه تبدل في الانسان وكأنه لم يكن في يوم من الايام كذا وكذا
تغيب عن باله كل ايجابيات العلاقه وكانه يبيح العكس بطريقفة يقنع بها نفسه وغالبا ماتكون غبية
ترتكز على غيره او شيء مماثل
شكرا على الموضوع الجميل خيتو | |
|
| | |
ليدي المنتدى
Posts : 20
Join date : 2010-04-25
| | Subject: Re: بدي رأيكم.... Tue Jul 20, 2010 6:29 pm | |
| - The Trust wrote:
صباحك متلك ياست الستات
صباحك متل ئلبك سميرو
هيدا ياستي سبق وقلتلك لو بتزكري
عيبك طيبه قلبك
نقاشتيني بوقتا انا ماقتنعت والله
ئصدك انسانيتي بزمن ماتت فيه الانسانية
ومات فيه احترام الذت
سميرو انا بعامل الناس من مبدأ ديني وأخلاقي
بِمعنى "خالق الناس بخلق حسن"
و
بسم الله الرحمن الرحيم
واصبر على مايقولون واهجرهم هجرا جميلا
يعني ماتفتكر طيبتي بتغلبني
لأنه بعرف كل واحد وشو بدو مني
ومن هالمبدأ بعامله
عسى ولعل انه يتعلم شي أو حتى يغير من حاله بشي
هون انا ممكن ازعل من موقف ما
بس بما اني عاملته كـ "إنسان"
ومتل ما امرني ربي
رح كون بسلام مع نفسي
بغض النظر عن قصده
يعني لا ضرر ولا ضرار
ووئت يقربوا تا يؤذوني ماتخاف عليي بعرف دافع عن نفسي كتير منيح
وبفضل الله ما استرجى أي انسان يضرني
لأنه الله أعلم أنا شو وشو سبب معاملتي المنيحة لهم
هيدي الانسانه مش مريضه
بالعكس بنظري طبيعيه
بهيدا الزمن اكتر من طبيعية
لان عندي صار من زمان قناعه تامة مافي صداقه بين حوا
مش تقليل منهون لا ابدا والله
بس الغيرة القاتله باغلب النسوان
للأسف صح وصح وصح
وان صار احد الاطراف نيته صافيه التاني من المستحيلات يكون متله
وان ظهر عكس مافي جواته
الا مابيجي يوم وينكسر هالقناع ويوقع
الا من رحم ربي هولي نسبه قد لاتعد الا باصابع الايد
المشكلة انهم بيبدلوا القناع حسب الموقف وحسب مصالحهم كمان
يعني صارت أقنعة مش واحد
حتى هنن بطلوا يعرفوا حالهم..!
انا عيوني ماظهر من هالبنت شي
يعني معاملتي لها منيحة كتير لأنها كانت معي منيحة كتير..!
وقت قتل أحد الصحابة رجل قال لاإله إلا الله
عاتبه الرسول صلى الله عليه وسلم وقال:"قال لا إله إلا الله وقتلته؟؟!
قال له الصحابي قالها خوف من السلاح
قال له صلى الله عليه وسلم "أشققت عن قلبه؟!"
القصد:مابيعلم يللي بالقلب غير الله عز وجل
بزكر في طبيبه اسنان كانت تعرف صديق ئلي علاقة زماله عاديه
وكانت هالطبيبة الها تلات رفقات باعوها كرمال رفيقي
لا وباعو بعض بعدا
الصداقه ياللي كانت بيناتهون من 22 سنة مستمرة
هيدي وحدة من القصص ياللي بعيني شفتا
ماهو يللي بيبيع واحد بيبيع ألف
وكل الناس عنده متل بعض
انا صار معي شبه هيدا الموقف بعد 12 سنة تقريبا صداقه
زعلت عليه ربع ساعه الله وكيلك وبعدا تلاشى من حياتي
والله يا سميرو مش زعلانة عليها
ولاحتى ندمانة على معاملتي لها بالحسنى
والله يشهد علي
لأنه يللي بيكون مع الله اتأكد انه الله معه بكل حركاته وسكناته
بدك ترتاحي
اقرب الناس ئلك توقعي منه الغدر وهيك بترتاحي
ومني منك مابراجعها ابداً
ولا بشيلها من ارضها والله
يعني خير ماعمولتي
وانشالله ربي يبعد هالمساطر عنك وعن الجميع
والله يا سميرو متوقعة ومن كل الناس
بس مابحط الناس كلها بخانة واحدة أكيد
وعندي الناس جيدون حتى يثبتوا العكس (صعبة هيدي كتير ع الكتيرين)
بس مافيي كون إلا "إنسانة"
وهلئ مش زعلانة
ولا حتى متل ماقلت لك ندمانة على معاملتي المنيحة
وصار عندي مناعة من الصدمات من كل البشر
بس هيدي كانت صحبة 14 سنة والله لايردها
ما رح واجهها وئلت لك هيي ماتت عندي
وللأسف,,,
معظم الناس صار عندها الله عز وجل أهون الناظرين إليها
بتشكرك كتير سميرو
ربي يحميك ويخليك
ويبعد عنك انتا كمان هيك أشكال
نهارك جوري
| |
|
| | |
ليدي المنتدى
Posts : 20
Join date : 2010-04-25
| | Subject: Re: بدي رأيكم.... Tue Jul 20, 2010 6:45 pm | |
| - AL_Sahed wrote:
- ا
اهلين شباب
هلا فيك
سميرو اسمحلي بشغله تعقيبا على كلامك الي انا معك ميه بالميه
حتى كلمت قناع هاليومين ماعم تخش براسي
الاقرب هو انه في تغير وفيه تبدل في الانسان وكأنه لم يكن في يوم من الايام كذا وكذا
متل ماقلت لسمير
الأقنعة عم تتبدل حسب الموقف والمصلحة..!
تغيب عن باله كل ايجابيات العلاقه وكانه يبيح العكس بطريقفة يقنع بها نفسه وغالبا ماتكون غبية
ترتكز على غيره او شيء مماثل
بدو يعمل هالة حوالين نفسه
وهالة كذابة كمان
ويعمل متل الباقيين ماعم يعملوا
ويقنع نفسه بكلمة("مالكل هيك اش معنى أنا؟؟!!)...
يعني شخصيته متبدلة حسب الزمان والمكان..!
وهيدا وقت يوعى رح ياكل أصابيعه ندم ويقول ياريتني وياريتني
(هيدا ازاااااا وعي)
شكرا على الموضوع الجميل خيتو
وشكراً ع المرور الجميل خييو
| |
|
| | |
Marie
Posts : 156
Join date : 2010-04-23
| | Subject: Re: بدي رأيكم.... Wed Jul 21, 2010 2:21 am | |
| يسعد صباحك ومساكي ليدي
بعتئد كل هالشي الي بدر منها مؤخراً لانو باعتقادها وبتفكريها المريض
انو هي مش شايفي عليكي شي وانو انتي احسن منها بكتير اشيا حسب حكيك
.. وانو انتي بتعرفي عنها كل شي
فئلبت عليكي وانتقمت منك بهالحكي الي حكيتو للناس وبينت
غيرتها منك لانك احسن منها
وازا بدك تواجيهيا فراح تنبسط وتفتخر بهالشي الاحسن انو تضلها ميتة
بنظرك هيك اريحيلك
تضرب هيك عالم هيدا ازا اسمهون بشر اصلا
الكزب صاير موضة عنجد هالايام
رووئي وهدي بالك مش مستاهلة
مرسي الك ع الموضوع | |
|
| | |
Marvy
Posts : 8631
Join date : 2010-04-15
Age : 38
| | Subject: Re: بدي رأيكم.... Sat Jul 24, 2010 9:33 pm | |
|  عتاب النذل اجتنابه هيدا يا حبيبتي الحل وانتي يلي قلتيه لا تعاتبي ولا تواجهي ولا تحكي شي من اصله صفحه و اطويها واحمدي ربك انك عرفتي الحقيقه الله يبعد عنك انذال هالزمن و يحميكي منورتنا بهالطله الحلوه يسعد اوقاتك تحياتي Marvy |
| |
|
| | |
ام اري
Posts : 7344
Join date : 2010-04-27
Age : 72
| | Subject: Re: بدي رأيكم.... Tue Jul 27, 2010 3:17 am | |
| شكرا ليدي عالموضوع
هالايام تحصل كثير مثل هالمواقف لا ادري كيف يفكروا هكذا ناس ...؟؟؟
الناس على الاكثر صايره لا تفكر الا بانفسهم و ياريت بطريقه جميله ولكن كل واحد يريد ان يكسر رقبه الثاني
في سبيل الوصول الى ما يريد لم يعد يهمهم اي شي
انتشرت الا نانيه و حب الذات بطريقه مهووسه ولايهم اذا كان الذي يؤذونه كان في يوم من الايام نعم الصديق وخير مساعد لذا قالوا اجدادنا اتقي شر من احسنت اليه
تلك الامثال و الاقوال لم يات من الفراغ
في رايي ايضا في اهمالك لها احسن جواب و اعتبارها ميته
هي عين العقل
ليلتك فل | |
|
| | |
khalido
Posts : 1370
Join date : 2010-04-30
Age : 45
| | Subject: Re: بدي رأيكم.... Sat Aug 14, 2010 1:13 am | |
|  فارس الجزائر عندنا مثل في الجزائر يقول إخسر و فارق و هذه نصيحتي لك لا تاكلي هم و اطوي الصفحة و إعتبرها كأنه لم يحدث شيء و احمد الله على أن الحقيقة تجلت امامك بالتوفيق  ღღღღღღღღღღღღღღღ
ღ彡ღ彡 Khalido 彡ღ彡ღ
ღღღღღღღღღღღღღღღ |
| |
|
| | |
| | بدي رأيكم.... | |
|
