كلام الناس

Posts : 1370 Join date : 2010-04-30 Age : 45

مشكلة اسمها............ كلام الناس

النــاس .. وكلامهــم
من هم حتى نخاف من كلامهم
هل نفعل اشياء حتى نتجنب كلامهم
العاطل عن العمل يخشى من كلام الناس
المطلقه تخشى كلام الناس
وكذلك العانس
الفقير يخشى الناس وكلامهـم
تتعدد الأسباب التي من أجلهــا نخشى من النـاس وكلامهـم
لم نسأل أنفسنــا لماذا هذا الخوف
لكنه يخشى من ردة فعل النـاس ومن كلامهـم
ماذا سيقول النــاس عنه ؟؟
وماذا سينظرون إليه مستقبلا ً ؟؟

وبذلك يخسر طموحـه ورغبته في الظهور بالشكل الذي أراده
وذلك كلـه بسبب خوفه من نظرة النــاس وكلامهـم!

Posts : 4219 Join date : 2010-04-24

انا صار لي 14 سنة خارج بلدي

ما مر عليي حالة وحدة من اللي ذكرته لانه بالغرب الناس يعيشون لحالهم
و لكن و مع الاسف احنا نعيش للناس, كل همنا فلان هيجي سوى فلانة حبت فلان و بما ان الكثيرين لا يشتغلون و لديهم اوقات فراغ يفكرون بغيرهم من الناس. هون عادي اذا مرة انفصلت عن زوجها ثاني يوم ياخذ لها صديق اما عندنا عيب , كلام الناس !!!بس الرجل لو كل يوم يبدل وحدة ما حد يحكي لانه هاد رجل و سمعته ما ينخدش بهيك اشياء.
انا عن نفسي لااهتم لاكلام الناس

ليلتك سكر

Posts : 8631 Join date : 2010-04-15 Age : 38

رضا الناس ... غاية لا تدرك

مهما عملت و كيف ما تصرفت

رح يجوا ناس و ينتقدوك و يحكوا عنك

لهذا ... الاهم انك لما تعمل شغله

تكون انت مقتنع فيها

لكن كمان لازم ننتبه ع المجتمعات اللي احنه عايشين فيها

و نلتزم بقواعد الاداب العامه

لأن هيدي تعكس اخلاقنا احنه

و الاحسن انو ما نسمع كلام الناس

لأنو ... لا يودي ولا يجيب

شكرا على الطرح المميز

يعطيك العافيه خاليدو

نهارك لافندر

تحياتي
نور البياتي

Posts : 2457 Join date : 2010-04-15

كلام الناس .. مش مشكلة
المشكلة إنو نحنا تربينا على اعتبار كلام الناس

كلام الناس بشوش تفكيرنا
بالنسبة إلي بتعامل مع الموضوع كالتالي

أنا نفسي ما بتدخل بأمور الناس .. بدخل بيتي بدون ما أبحلق باللي جايي واللي رايح

بعمل اللي بشوفو مناسب وبترك عني الناس وكلام الناس ..
وبالرغم من هيك أكيد ما بسلم من هالكلام .. في الحقيقة من دقايق وصلني كلام عنا
وكلام ما إلو أي أساس من الصحة
مع إني حاولت أوقف اللي حكي عن الحديث بس سبحان الله بيتلذذو بنقل الحكي وتبهيره

صحيح بتضايق لكن شو بعمل .. في ناس لا يمكن إلا تلاقي شي تحكي فيه للأسف
بس بالنهاية الله شايف وعارف وأنا واثقة من ربي
ثم واثقة من نفسي
وبعزل كل تفكيري عن الحكي الفاضي وبس

Posts : 20 Join date : 2010-04-25

بِسْمِ اللّهِ الرَّحْمـَنِ الرَّحِيمِ

متل مااتفضلت دموعة المشكلة مش بكلام الناس
يعني الكل بيحكي ع الكل
والناس مش شاطرة إلا تغربل بعضها
والظاهرة هيدي انا الصراحة عانيت ومازلت أُعاني منها
وخصوصاً بمجتمع أهلي
كل واحد بدو يتدخل ويطرح لك حلول وآراء
وإذا ماعملت فيها عادوك وزادوا العيار بالحكي

بس بفضل الله مابعمل إلا يللي بيرضي ربي وبيريحني
وبيكون صح أكيد

وحتى بيني وبينكم وقت بيحكوا بطلع ع حالي إشاعات
منشان يكملوا كلامهم ويبنوا عليه آرائهم
وبصير اضحك عليهم من بعيد هههههههه
ووقت بتحق الحقيقة بأمر ما,,,
بيلاقوني عملت عكس ماكانت الإشاعة
وعملت الصح وبيسكتوا

ولهيك اترك الناس تحكي شو مابدها
واعمل يللي بيمليه عليك ربك بتعيش بضمير مرتاح
ويللي بيهتم بكلام الناس
صدقاً رح يلتهي عن نفسه و عائلته ويضيّعها كمان..!!

وكمان ممكن ناس تحكي وتدّخل وتنصحك
مش غلط بس هالناس هيدي عم تتدخل لمصلحتك
مش كترة غلبة وكلام فاضي..!

وصلوات الله على معلم الناس الخير حين قال:
مِن حُسنِ إسلامِ المَرء تَركه ما لاَ يَعنيه

Posts : 156 Join date : 2010-04-23

انا عن نفسي ما بهتم ,,

وحكيهن من هالحكي الي لا بئدم ولا باخر

كلام الناس ع العالم المنيحة والعاطلة سواء ,, ومش عاجبهن شي

بئا احسن شي تعمل الي انت مقتنع فيه وما تدخل بالعالم لانو عنجد

ما بجيبو الا وجعة الراس والمشاكل وممكن كتير يفوتوك بمشكلة

انت ما الك علاقة فيها ,, بئا ريح راسك وابعد عنهن

وحتى انا لو كانت تصرفاتي ما بتعجب الناس فمش مضطرة اني اعمل

الاشيا الي بتعجبهن ,, لانو هالشي بخصني وحدي هيدي انا وهيدي طريئتي

واسلوبي,, وعمرون ما يرضو عليي الناس بالاخر مش نافعيني بشي

مرسي الك ع الموضوع المهم خالد

يعطيك الف عافية

Posts : 943 Join date : 2010-04-15

ما حدا خلصان من كلام الناس

اللي يقتنع بصحة عمله ساعتها مش مهم الكلام

لكن مش معنى هذا الحكي اننا نستفز الناس ليزيدوا بالكلام

لان في ناس هي اللي تجيب لنفسها الكلام

في مجتمعاتنا الشرقية ما في خصوصية و الكل يعطي لنفسه الحق في

النقد و الانتقاد

كلمة اخيرة اقولها : من كان بيته من زجاج فلا يرمي الناس بحجر

بالنهاية كلنا بشر فينا عيوب و اخطاء فالافضل ان لا نتصيد لبعضنا البعض

شكرا على الموضوع المطروح للمناقشة

» كلام جميل
» لماذا أصبح ميزان الناس هو المال والجاه والنفوذ والعرق ولم يتبقى للعلم والأخلاق مكانا في عالم اليوم ؟؟؟
» غريبه الناس - وائل جسار
» عشرة اسباب تستطيع بها جذب الناس
» احترم نفسك ... يحترمك الناس