يومياتنا

ياي يعني صار فيي قول كل اللي بدي ياه بدون ما أدوش راسك؟
بس ما بصير هيك بخاف تعطيني ع راسي قدام الكل هههههه

طيب اليوم يا سيدي كان حافل
تصبحنا بوجوهكن الحلوة وعملنالكن فطور لهلأ ظهري بيوجعني من الشغل وإيديي بتوجعني من العجن والخبز
بدي حملكن جميلة ليوم الدين لووول

اليوم كان أول يوم امتحانات كتابية بالنسبة للمتقدمين
O' level
هيدي امتحانات تقريبا ثانوية بس مش لآخر سنة مدرسية وإنما بعد الصف العاشر
أعصابي كانت مشدودة لأن بنتي عمبتقدم اليوم مادة الفيزياء أول ورقة
كل مادة إلها 3 امتحانات أو أوراق
طبعا أمام المدرسة كان المنظر بيشد الأعصاب أكتر
لأن المدرسة مركز تقديم امتحانات وكل المتقدمين لهاامتحان بكل العالم بقدموه بنفس الوقت وكل المتقدمين من الأردن مجتمعين من كل المدارس بمدرسة بنتي
حلو يكون أول يوم امتحان بشجع على باقي الامتحانات وبالنسبة إلي أهون علي ألف مليون مرة إني أقدم امتحان على إني أكون بس جنب اللي بيمتحن

المهم انتهت على خير وكل شي قلق كأنو ما كان لما شفنا الطلاب طالعين بيضحكو ومبسوطين ومتفقين على إنو بس سؤال واحد اللي كان محير إلهن

المهم طلعنا من هونيك على بيت ابن عمتي وشو انبسطت لما شفت عمتي مفتحة عيونها وبتطلب مني ساعدها تقعد وصارت تسأل عن الولاد
الحمد لله ألف حمد وشكر على كل نعمه


وهلأ رح قضي المسا والسهرة بيناتكن وهيدا كان نهاري

ميرسي سهودتي .. حاسة كأنك عملت هالموضوع مشان طلع اللي كان خانئني